Një aksident ka ndodhur në afërsi të fshatit Vrinë të Bashkisë Konispol, ku një automjet që vinte nga Greqia, me dy shtetas të huaj në bord, ka përfunduar në kanalin e Butrintit.
Ishin banorët e zonës që kanë parë skenën, janë hedhur në ujë duke nxjerrë nga automjeti që po fundosej një çift të huajsh, dhe iu kanë dhënë ndihmën e parë.
Ndërsa bëhet me dije se drejtuesi i mjetit ka pësuar lëndime serioze, dhe së bashku me partneren e tij, janë transportuar drejt spitalit të Sarandës.
Ata janë identifikuar si Onno J Van Helden 53 vjeç nga Holanda dhe Dajana Murai 34 vjeç nga Brazili. Gjendja e 53-vjeçarit paraqitet kritike ndërsa e 34-vjeçares më e stabilizuar.
Megjithatë ata do të nisen me autoambulancë drejt Tiranës për mjekim më të specializuar.
