“Video të rreme nga profile fallco dhe lajme të manipuluara”. Kështu i ka konsideruara kryeministri Edi Rama pamjet e filmuara në terren ku tregojnë plazhet e boshatisura këtë verë.
Gjithashtu por këtë dështim masiv në turizëm, Rama bëri fajtor vlonjatët që sipas tij kanë rritur çmimet dhe kanë frikësuar turistët imagjinarë të tij. Në realitet ndodh e kundërta pasi jo vetëm jugu, por e gjithë vija bregdetare në Shqipëri po përjeton një “refuzim” të madh dhe braktisje të plazheve që janë zaptuar nga “patronazhistët” privatë dhe është e pamundur për të gjetur një rrip rëre hapësirë publike.
Jo vetëm çmimet e larta por edhe shërbimi në vendin tonë lë për të dëshiruar e cila ka “përzënë” ata pak pushues shqiptarë që kanë ngelur në vend të cilët po dynden drejt Greqisë, Turqisë, Kroacisë dhe vendet e tjera që ofrojnë turizëm elitar dhe me kosto të lirë.
Por gazetari Blendi Fevziu ka sfiduar deklaratën e Ramës teksa nxjerr pamjet nga plazhi më i bukur në jug i cili i ngjan një “shkretëtire” të vërtetë.
Megjithëse jemi në ‘pikun’ e sezonit turistik, pamjet që vijnë nga bregdeti i jugut janë me të vërtet të pabesueshme. Fevziu ka publikuar një video ditën e fundit të korrikut nga Gjiri i Gramës i cili tregon se shezlonët po qëndrojnë bosh edhe pse ora shënon 15:30 dhe jemi në pikun e sezonit turistik.
“Krejtësisht bosh, shiheni. Nuk më ka ndodhur kurrë ta shoh Gramën kështu. Se kush e ka fajin tani nuk di ta them”, shprehet Fevziu teksa poston videon me poshte:
