Këshilltari për Çështjet Ekonomike në PD dhe njëkohësisht NënKryetar i Këshillit Bashkiak Tiranë, Dorjan Teliti, i bën thirrje qytetarëve, familjeve, sipërmarrësve të Kryeqytetit, ti bashkohen protestës së ditës së nesërme para Bashkisë Tiranë me qëllim largimin e “Beton Veliaj”.
Teliti shprehet se Tirana nuk do ia falë Veliajt betonizimin korruptiv dhe klientelist që i ka marrë frymën kryeqytetit, 132 milionë eurot që i ka dhënë inceneratorit që nuk ekziston dhe 30 milionë eurot që gllabëroi ‘5D’.
“Beton Veliaj”, Tirana as nuk ta fal e as nuk tërhiqet!
Tirana nuk ta fal betonizimin korruptiv dhe klientelist që i ka marrë frymën kryeqytetit!
Tirana nuk ti fal 132 milionë euro që i ke dhënë inceneratorit që nuk ekziston!
Tirana nuk ti fal 30 milionë euro që gllabëroi 5D-ja!
Tirana nuk ta fal mungesën e cerdheve, kopshteve e shkollave, ndonëse taksat e rritura disafish i ka paguar kokërr më kokërr!
Tirana nuk ta fal që taksat e tarifat i ke cuar për trefishim administrate, të mbushur plot me patronazhistë!
Tirana nuk ta fal që kryeqyteti ynë të renditet i fundit në Europë dhe Ballkan për cilësinë e jetesës!
Kjo që ke bërë në Tiranë dhe me Tiranën është sa mizore po aq edhe antiligjore!
Tirana nuk tërhiqet! Ndaj nesër, të bashkuar para Bashkisë Tiranë, në orën 11.00, të protestojmë deri në largimin e shefit politik të betonit, 5D-së & inceneratorit fantazëm!”- shprehet Teliti.
