Janë zbardhur detaje të reja nga ngjarja e rëndë e regjistruar mbrëmjen e djeshme në lagjen “Qemal Stafa” të Elbasanit, ku 53-vjeçari Arianit Berati plagosi me thikë ish-bashkëshorten e tij 48-vjeçare.
Arianit Berati i kishte zënë pritë te dera ish-bashkëshortes, që kishte vetëm disa ditë që ishte kthyer nga Italia për pushime. Kjo e fundit mësohet se ndodhet në spital me tre plagë, ndërsa është jashtë rrezikut për jetën.
Mësohet se çifti ishte ndarë prej 4 vitesh, ndërsa ishin prindër të dy fëmijëve të rritur, një vajze që jetonte me të ëmën në Itali, dhe të një djali që jetonte në Sarandë.
Burime për mediat bëjnë me dije se gjatë marrjes ne pyetje 53-vjeçari ka thënë se ish-bashkëshortja i kishte marrë të gjitha pronat dhe kjo ishte arsye e debatit. Edhe pse familjarët gjykojnë se 53-vjeçari ishte ende i dashuruar me gruan e tij dhe kërkonte kthimin e saj, duke mos er pranuar divorcin.
