Kryeministri Edi Rama gjithmon gjen metoda të reja për të bërë propagandë, teksa për zgjedhjet e vitit 2025, ka krijuar një aplikacion “Deputeti që duam”, ku shqiptarët mund të aplikojnë aty për t’u përzgjedhur si kandidat për deputet nga Partia Socialiste.
Gjatë fjalës së mbajtur në Kongresin e PS-së, Rama i ftoi shqipotarët që të aplikojnë tek ajo platformë, teksa kërkonte të propagandonte se në mandatin e katërt do të shfaqet me një “fytyrë” të re.
“Do ndërtojmë skuadrën e re kombëtare për ndeshjen elektorale të radhës ku do të futemi jo për të marrë thjesht mandatin e katërt radhazi, për fitoren më shembullore të të gjithësi serisë së pandërprerë të fitoreve tona. Sot nga kjo foltore dua tu them gjithë shqiptarëve që duan ta çojnë Shqipërinë në majën sfiduese të 2030, shqiptarëve që duan të japin dorën e tyre për ta ngritur në oborrin e SHBA të Europës në Bruksel, flamurin e Skënderbeut dhe Ismal Qemalit në fund të këtij 10-vjecari, shqiptarët që e duan Shqipërinë kampione me nam të turizmit në Ballkan, pikë referimi në rajon për rritjen e pandërperë ekonomike dhe sociale, shqiptareve që e duan Shqipërinë Europën e Ballkanit, merreni iniciativën, kërkojani PS që ta vlerësojmë kandidimin tuaj për deputet dhe deputete në legjislaturën e ardhshme. Mandati ynë i 4 do jetë mandati i mbledhjes së shumë fryteve të punë së gjatë dhe të vështirë, mandati i një pune të jashtëzakonshme për nga volumi dhe sfidat për të kapërcyer..
Shikoje platformën si një derë ku mund të trokasësh pa ndërmjetës. Regjistro emrin dhe mos prit, organizohu për të dalë në pah. Sigurisht gjatë gjithë kohës ne do jemi në kontakt. Unë nuk i siguroj dot ata se do bëhen deputet. Sepse secilit i takon të bindë njerëz, të bëjë ndjekës, por unë i siguroj që nëse dikush ka dëshirë, të angazhohet, të merret me politike deri të bëhet deputet, nuk ka asnjë derë tjetër që bën punë, asnjë. Pazari politikës ka plot dyqane, por PS është e vetmja derë ku kush do hedhë një hap për tu angazhuar e ka një mundësi reale. Jo sepse PS është një shtëpi pa probleme, nuk e them dot këtë. Kemi plot probleme edhe ne. I kam njohur edhe vetë të tillë të paudhë, aq të paudhë sa cilido do të habitej po të tregoja se cfarë më thoshin në sy dhe cfarë më bënin pas shpine. Kur kanë arritur të ngjiten dhe të më ngjiten mua, merreni me mend sesa nga këta ka më poshtë, deri aty ku këta njerëz që po u drejtohet duhet të nisin rrugën. Unë jam po ai që them, besojeni. PS është e vetmja rrugë për ju.”, tha Rama.
Pasi i dërgoi shqiptarët jashtë vendit për shkak të keq qeverisje, kryeministri Edi Rama u bëri thirrje emigrantëve që ta votojnë që nga vendi ku janë.
“Kurrë nuk është vonë për të vënë në vend një të drejtë për shqiptarët në botë U them sot i lehtësuar bujrum, Shqipëria është vendi ynë për të votuar. Nëse nuk vini këtu dërgojeni votën me postë për të vendosur bashkë kush duhet ti drejtojë punët e shtëpisë tonë të përbashkët”, tha ai
