Deputeti Agron Shehaj, ka komentuar ndryshimet në Kodin Zgjedhor, ku tha se mbajtja e listave të mbyllura nuk ka asnjë dyshim që është kundër vullnetit të qytetarëve.
Gjatë fjalës së tij në Parlament, Shehaj theksoi se mazhoranca dhe opozita po mbajnë qëndrim hipokrit, skandaloz dhe sidomos kundër vullnetit të qytetarëve, ndryshimin në Kod që mban të mbyllura listat e kandidatëve.
“Sot ky parlament do të votojë për lista të mbyllura. Qytetarët vërtet votojnë për partitë politike, por duan të votojnë edhe për kandidatët për deputet. Nuk mund të quhet demokraci një vend ky qeveria më e korruptuar konsolidon pushtetin e saj. Nuk mund të quhet demokraci një vend ku një qeveri që i ka pothuajse të gjithë ministrat në SPAK, sërisht konsolidon pushtetin”, tha Shehaj.
Ndërsa po ashtu deputeti demokratshtoi se rotacioni politik pothuajse është bërë i pamundur dhe arsyet janë paratë që shërbejnë për kapjen e pushtetit
“Kjo është arma më e rëndësishme që ka kjo mazhorancë, paraja dhe përdorimi i pushtetit. Korrupsioni, kapja e ekonomisë dhe paratë e vjedhura janë problemet e demokracisë shqiptare”, tha Shehaj.
