Politologu Ilir Kalemaj i ftuar në MCN ka komentuar dakordësinë për reformën zgjedhore mes Partisë Socialiste dhe Partisë Demokratike për të cilën u shpreh se Berishës i intereson të ketë kontroll mbi listat e deputetëve.
Ai tha se mbyllja me 1/3 e listës ndikon në Partinë Demokratike, ndërsa theksoi se maxhoranca hyn gati e fituar në procesin zgjedhor.
“Nuk ka një gjë që është konstante kjo ka qenë dhe në 2008, gjithmonë kanë rëndësi dy persona që kanë ndikuar dikur Nano- Berisha, pastaj Berisha- Rama dhe mandej vazhdon saga, të tjerët njoftohen përmes medias nuk pyeten fare janë thjeshtë ushtarë të partive të mëdha.
Barra e provës është pse e bëri PD dhe jo PS sepse dihet që në 2008 është thënë që jo të fusim përfaqësimin gjinor, por problemi është se dhe në 2008 është kontrolli i listave nga kryetarët e partive dhe në atë kohë kjo i interesonte Ramës. Sot i intereson Berishës ky ekuacion që të ketë kontrollin mbi partinë e tij.
Tani janë dhe vota e diasporës, pra është një reflektim në raport me rekomandimet e OSBE/ODIHR, listat e hapura po ashtu, por tani çfarë ndodh, ndodh që listat mbyllen dhe më shumë se në 2021. Tani është më e vështirë, se në momentin kur thua 1/3 e listës e mbyllur, ajo është pothuajse e gjithë e mbyllur.
Me gati 100% listë e mbyllur, ky është një regres dhe lista shoqëruese do të jetë një listë e kryetarëve. Pra mbyllja me 1/3 e listës ndikon në Partinë Demokratike dhe se maxhoranca hyn gati e fituar në procesin zgjedhor.” – tha Kalemaj.
