Autoritetet policore raportojnë se gjatë ditës së sotme kanë asgjesuar mbi 10 mijë bimë kanabisi në Qarkun e Shkodrës gjatë ditës së sotme në një operacion të nisur që prej mëngjesit.
Uniformat blu raportojnë se në terren po operojnë 18 grupe të forcave të Policisë së Shkodrës, të mbështetura nga Forcat e Sigurisë, Njësia Shkodër, nga mjete logjistike nga forcat e ushtrisë, me kalueshmëri të lartë, dhe nga helikopteri i cili po operon në zona të thella malore, ku është e vështirë vajtja me mjete tokësore.
Policia e Shkodrës raporton se në funksion të këtij plani operacional, që nga janari i vitit 2024 deri sot, janë asgjësuar 224 500 bimë dhe fidanë cannabis sativa, janë evidentuar 241 raste të kultivimit, për të cilat janë referuar materialet për fillimin e procedimit penal në Prokurorinë e Shkodrës.
Gjithsesi, pavarësisht asgjesimit të mbi 10 mijë bimëve kanabisi, nuk raportohet për asnjë person të proceduar penalisht apo arrestuar.
