Këshilltari i Erion Veliajt, Halit Valteri shkoi menjëherë pas mbledhjes së Këshillit Bashkiak të bënte kallëzim në Policinë e Tiranës, ku u ankua se këshilltari i opozitës dhe njëkohësisht Sekretari i Përgjithshëm i Partisë së Lirisë, Tedi Blushi e kishte goditur me grushte dhe sende të forta.
Por, ndërkohë, nga pamjet e publikuara së fundmi tregojnë tjetër gjë.
Veç se ishte ai që e shtyu i pari Tedi Blushin, pasi u hodh në mbrojtje të shefit të tij, Erion Veliaj, pamjet e reja që janë publikuar së fundmi tregojnë se Valteri ka ushtruar edhe dhunë fizike.
Siç shihet në foton e mësipërme, Halit Valteri shfaqet duke e kapur për gryke Tedi Blushin, ndërkohë që këshilltari tjetër i opozitës, ish-futbollisti Gentjan Muça po tenton që t’i ndajë.
Pas daljes nga komisariati nr. 1 ku dha sqarime rreth ngjarjes, Blushi tha se ishte provokuar nga Valteri, teksa opozita e ka konsideruar ngjarjen e sotme si skenar të Erion Veliaj për të kaluar vendimet pa diskutime.
