Për gazetarin Armand Shkullaku, kryeministri Edi Rama të gjitha raportet me ndërkombëtarët i ka ngritur me anë të lobingjeve dhe klientelizmave.
I ftuar në Syri tv, Shkullaku tha se, nuk beson se ka kryeministër tjetër në Europë dhe të thërrasë shefin e kundërzbulimit dhe t’i thotë, “sa lek do më hap çështje kundër opozitës në Shqipëri”.
“Rama tregoi se pati një lobim shumë të fuqishëm në administratën e Trump, si nëpërmjet Vuçiç, Erdogan, apo prej parave të veta. Kjo tregon se Rama ka kapur thelbin, që interesat e të mëdhejve me vendet e vogla, duhen vajisur me para, lobingje dhe shërbime. Nuk mërzitet kush për deklarata, e Trump u mërzit nga deklaratat. Ka ardhur vajza, dhëndërri. E mbështet Toni Blair, gruaja e Toni Blair, merr nja 10 kontrata me qeverinë. E mbështet D’Alema, ai hap kompani për kriptovaluta në Shqipëri. E kështu, merr një copë e merr një copë, paguan Shqipëria. Edhe po të mos kishte bërë atë deklaratën anti-Trump, Edi Rama prap raportet e veta do ti kishte ngritur në bazë të lobizmit dhe klientelizmit. Ne duhet të ja njohim Ramës edhe guximin për të korruptuar zyrtarin më të lartë në historinë e FBI-së, që ishte Charls McGonigal. Nuk besoj se ka kryeministër tjetër në Europë dhe të thërrasë shefin e kundërzbulimit dhe ti thotë; sa lek do më hap çështje kundër opozitës në Shqipëri”, tha Armand Shkullaku
