Bayern Munich refuzon një ofertë nga Premier League për Matthijs De Ligt. Mbrojtësi holandez ka përfunduar jashtë projektit teknik te bavarezëve.
Pavarësisht se tifozët janë kundër largimit të tij, rekordmenët e futbollit gjerman janë gati ta shesin nëse vjen oferta e duhur.
Manchester United është klubi më i interesuar për 24-vjeçarin, me trajnerin Ten Hag që kërkon ta bashkohet me të në “Old Trafford” njësoj si tek Ajaxi.
Drejtuesit e klubit ishullor kanë arritur marrëveshjen me agjentin e futbollistit, dhe tashmë duhen bindur homologët e Bundesligës.
35 mln euro (30+5 në formë bonusesh) kanë ofruar “Djajtë e Kuq” për kartonin e lojtarit të kombëtares holandeze. Propozim që është refuzuar menjëherë nga Bayerni.
Klubi gjerman kërkon të paktën 50 mln euro për të lënë të lirë lojtarin, të cilin e blenë 67 mln euro dy vite më parë nga Juventusi.
