Një i ri është arrestuar nga autoritetet policore në Fier, pasi ka tentuar të vrasë një grua me thikë në fshatin Zhupan, duke e e lënë të plagosur.
Burimet zyrtare bëjnë me dije se në pranga është vënë shtetasi A. N., 33 vjeç, banues në fshatin Zhupan. Sipas Policisë, ky shtetas për motive të dobëta ka tentuar të vrasë me thikë shtetasen F. N., 59 vjeçe, e cila ndodhet në spital, për ndihmë mjeksore, jashtë rrezikut për jetën.
Mbi 33-vjeçarin rëndojnë akuzat për veprat penale “Vrasje për shkak të marrëdhënieve familjare”, mbetur në tentativë, dhe “Posedimi, blerja, mbajtja, apo shitja pa leje e armëve të ftohta”.
Në cilësinë e provës materiale, uniformat blu kanë sekuestruar thikën e përdorur në krim. Materialet procedurale i kaluan Prokurorisë për veprime të mëtejshme.
