Kreu i Partisë Demokratike, Sali Berisha ka publikuar në rrjetet sociale denoncimin e një qytetari dixhital, i cili denoncon se bashkëshortja e kryeministrit Edi Rama, Linda Rama ka drekuar me gjyqtaren e GJKKO-së, Irena Gjokën (Maneku, Shpata), e cila ka në duar dosjen e liderit demokrat dhe shumë dosje të tjera.
Sipas qytetarit dixhital, ato kanë drekuar ditën e enjte në katin e tretë të restorantit “Pireu Fish” në kryeqytet, teksa bashkë me to kanë qenë dhe tre gra të tjera. Sipas tij, ato janë futur veç e veç njëra pas tjetrës për të mos rënë në sy.
Në postimin e tij, Berisha shkruan se darkat dhe drekat e narko-gjykatësve dhe narko-prokurorëve me narko-ministrat janë një gjë e zakonshme, por sipas tij, ndodhin dhe dreka publike të tyre në nivelin e familjes mafioze kryeministrore, por rrallë.
Postimi i plotë
Një darkë zonjash!
Të dashur miq, ditën e enjte Linda Rama shtroi një drekë për Irenën me katër mbiemra dhe tre zonja të tjera.
Darkat dhe drekat e narko-gjykatësve dhe narko-prokurorëve me narko-ministrat janë një gjë e zakonshme, por dreka publike e tyre në nivelin e familjes mafioze kryeministrore ndodhin, por rrallë.
Lexoni denoncimin e qytetarit dixhital.
Mgj Doktor, diten e enjte te lokal Pireu Fish kane drekuar Zonja Linda Rama dhe Irena Gjoka me tre gra te tjera, ne katin e trete ku eshte nje ambjent i vecante nga te tjeret, jane futur ne lokal vec njera tjetres per te mos rane ne sy, dhe keshtu jane largu. Informacioni eshte 100 i sakte, po mora dhe emrat e tre tjerave zonjave te tjera po ti nis.
