Një 70-vjeçare është goditur me thikë nga një i ri mëngjesin e sotëm rreth orës 09:20, ngjarje e ndodhur në fshatin Zhupan të Fierit.
Një 32-vjeçar, shtetasi me inicialet A.N., akuzohet se ka plagosur me thikë bashkëshorten e xhaxhait të tij, shtetasen me inicialet F.N.
Sipas uniformave blu, e plagosura ndodhet në spital jashtë rrezikut për jetën.
Ndërsa 32-vjeçari është shoqëruar në polici dhe po kryhen veprimet e mëtejshme procedurale.
“Rreth orës 09:20, në fshatin Zhupan, Fier, shtetasi A. N., 32 vjeç, ka goditur me mjet prerës (thikë), shtetasen F. N., rreth 70 vjeçe, e cila ndodhet në spital, për ndihmë mjeksore, jashtë rrezikut për jetën. Shërbimet e Policisë kanë kapur dhe shoqëruar në Polici shtetasin A. N., dhe po kryhen veprimet e mëtejshme procedurale”, njofton policia.
Grupi hetimor po punon për sqarimin e plotë të rrethanave të rastit.
