Një parcelë me kanabis është zbuluar nga Policia e Krujës dhe si rezultat ka vënë në pranga kultivuesin.
Autoritetet raportojnë se në kuadër të operacionit policor të koduar “Plant 5” është vënë në pranga shtetasi A. M., 42 vjeç, banues në Thumanë, i cili akuzohet për veprën penale “Kultivimi i bimëve narkotike”.
“Gjatë kontrolleve në afërsi të banesës së 42-vjeçarit, është konstatuar një ambient i përshtatur për kultivim, ku u gjetën 248 bimë të dyshuara narkotike kanabis. Një pjesë e bimëve u sekuestrua në cilësinë e provës materiale, ndërsa pjesa tjetër u asgjësua me anë të djegies.” – thuhet në njoftimin e Policisë.
Materialet procedurale i kaluan Prokurorisë për veprime të mëtejshme.
