Teksa bashkëpunëtori i SPAK Nuredin Dumani është kthyer në temën e ditës, pasi dy motrat nga Lezha Alda dhe Xhovana Nikolli e akuzojnë për vendosjen e tritolit në banesën që jetonin me qira, deputeti demokrat Ervin Salianji, tha se si është e mundur që kryen aktivitet kriminal nga burgu.
Gjatë fjalës së tij në komisionin e sigurisë, Salianji kërkoi llogari dhe shpjegime si ka mundësi që ndodh kjo dhe kush mban përgjegjësi që një kriminel që ka vrarë shumë njerëz vazhdon aktivitetin kriminal nga burgu.
“Po t’ju bëj një pyetje, po te kjo ka ndonjë përgjegjësi policia e shtetit, që del ky Nuredin Dumani që ka vrarë gjysmën e njerëzve në Shqipëri dhe që duhet të ruhet nga njësia e mbrojtjes së dëshmitarëve dhe pjeshkëron aty si i do qejfi 24 orë me ca i do qejfi, që vendos gjoba dhe vazhdon aktivitetin kriminal si i do qejfi. Kush është një që është simbol që e njohin të gjithë? Është ky Nuredin Dumani? Nuk ka mundësi që policia le ta kontrollojë jashtë që nuk kontrollon dot, por edhe nga burgu vazhdon aktivitetin kriminal dhe na shfaqet si hero, me palestra me salltanete, me ca të mundet. A keni ju z.ministër përgjegjësi apo i kërkon ju përgjegjësi që nuk e ka kryer punën. Pse me dy policë të pezulluar e kanë lejuar atë të bëjë atë që bën. Ai është dëshmitar i mbrojtur”, tha Salianji.
