Policia e Vlorës ka arrestuar një 50-vjeçar, pasi akuzohet se i ka djegur qëllimisht lokalin bashkëshortes së tij në fshatin Nartë, teksa ngjarja fillimisht ishte raportuar si aksidentale.
Në kuadër të operacionit policor të koduar “Flames 2” është vënë në pranga shtetasi Jani Xamaxa, banues në qytetin bregdetar.
“Nga veprimet hetimore dyshohet se 50-vjeçari, për motive të dobëta, i ka vënë zjarrin lokalit që administron bashkëshortja e tij, shtetasja B. X., me të cilën është në proces divorci. Nga përhapja e flakëve u dogjën edhe 3 garazhe të shtetasit Ll. M., ku ai mbante 1 automjet, 3 motora, arka plastike dhe produkte ushqimore.” – thuhet në njoftimin e Policisë.
Materialet procedurale i kaluan Prokurorisë së Vlorës për veprime të mëtejshme.
