Vazhdon të jetë e tensionuar seanca e sotme plenare në Kuvend.
Drejtuesja e Kuvendit, Ermonela Felaj i ka hequr të drejtën e fjalës gjatë seancës plenare 7 deputetëve me pretendimin se opozita ka ofenduar ministrin e Drejtësisë Ulsi Manjën.
Felaj: “Deputetët që u hiqet e drejta e fjalës janë: Dhurata Çupi, Ina Zhupa, Saimir Korreshi, Agron Çela, Edmond Spaho, Albana Vokshi dhe Flamur Noka.Keni ofenduar dhe denigruar ministrin Manja teksa fliste në foltore”
Menjëherë pas kësaj mase, Noka dhe Vokshi shkojnë tek foltorja për të kërkuar “llogari”, kurse nënkryetarja e Kuvendit Ermonela Felaj ka kërkuar 5 minuta pushim për të qetësuar kaosin e krijuar në kuvend si pasojë e përplasjes mes opozitës dhe mazhorancës.
Felaj: “5 minuta pushim, sa të qetësohen deputetët”
