Policia e Himarës ka proceduar penalisht një të ri nga Durrësi.
Bëhet fjalë për shtetasin B. C., 34 vjeç, i cili sipas autoriteteve policore ka shpalosur në shëtitoren e Himarës një banderolë.
Sipas Policisë së Himarës banderola është vendosur me “qëllime provokuese”.
“Policia Himarë referoi materiale në Prokurori dhe nisi procedimin penal për shtetasin B. C., 34 vjeç, banues në Durrës, pasi dyshohet se ka vendosur një banderolë pa lejen e organeve kompetente në shëtitoren e Himarës, për qëllime provokuese”, njofton Policia.
Mbetet e paqartë se çfarë ka shfaqur i riu nga Durrësi me banderolën, që policia e ka konsideruar si provokim, e cila ndoshta mund të ketë qenë dhe për zgjedhjet e 4 Gushtit në Himarë apo për përplasjen e fundit me Greqinë.
