12 persona, banues në Kamëz dhe Krujë, janë arrestuar ndërsa 4 të tjerë janë shpallur në kërkim pasi akuzohen se në bashkëpunim me njëri-tjetrin, në vitet 2021 dhe 2022, kanë kultivuar bimë narkotike në fshatra të ndryshme në malësinë e Krujës.
Janë ekzekutuar masat e sigurisë ‘arrest me burg’ për:
3- Ilir Velja, 52 vjeç
4- Ylli Celami, 48 vjeç
5- Erion Shehi,26 vjeç
6- Fatjon Zalla,41 vjeç
7- Idajet Dervishi, 43 vjeç
8- Ram Dervishi, 39 vjeç
9- Lutfi Asllanaj, 53 vjeç
10- Dritan Kamberi, 25 vjeç
11- Ilir Hysa, 52 vjeç
12- Flamur Murataj – 52 vjeç
Po punohet për lokalizimin dhe arrestimin e 4 shtetasve të tjerë të cilët ndiqen me masa kërkimi.
“Sektori për Hetimin e Narkotikëve në DVP Tiranë, në bashkëpunim me Komisariatin e Policisë Krujë, Komisariatin e Policisë Nr. 5, dhe Njësinë e Sigurisë Publike Tiranë, në vijim të punës për goditjen dhe dokumentimin e plotë ligjor të veprimtarive kriminale në fushën e narkotikëve dhe vënien përpara përgjegjësisë ligjore të shtetasve të implikuar në këto veprimtari, në kuadër të procedimit penal nr.308/2022, kanë ekzekutuar masën e sigurisë “Arrest në burg” të dhënë nga Gjykata e Shkallës së Parë të Juridiksionit të Përgjithsëm Tiranë, për shtetasit:
– E. A., 57 vjeç, A. A., 26 vjeç, I. V., 52 vjeç, Y. C., 48 vjeç, E. Sh., 26 vjeç, F. Z., 41 vjeç, I. D., 43 vjeç, R. D., 39 vjeç, L. A., 53 vjeç, D. K., 25 vjeç, I. H., 52 vjeç, dhe F. M., 52 vjeç, banues në Kamëz dhe Krujë.
Gjithashtu po punohet për lokalizimin dhe arrestimin e 4 shtetasve të tjerë të cilët ndiqen me masa kërkimi.
Nga veprimet hetimore të kryera është dokumentuar me prova ligjore veprimtaria kriminale e këtyre shtetasve, të cilët në bashkëpunim me njëri-tjetrin, në vitet 2021 dhe 2022, kanë kultivuar bimë narkotike në fshatra të ndryshme në malësinë e Krujës.”- njofton policia.
Materialet i kaluan Prokurorisë për veprime të mëtejshme hetimore.
