Detaje të reja janë zbuluar në lidhje me operacionin që Prokuroria e Posaçme po zhvillon në lidhje me aferën e inceneratorit të Tiranës.
Operacioni ka nisur në orën 07:00 të ditës së sotme dhe është ende në vijim. Raportohet se po vijon kontrolli në banesat e personave të dyshuar.
Asnjë urdhërarrest nuk është ekzekutuar pasi asnjë nga personat nuk janë gjetur në banesë. Vetëm njëri sipas sistemit TIMS është në territorin e Shqipërisë, të tjerët kanë dalë jashtë vendit.
Janë firmosur urdhër-arreste edhe për disa shtetas të huaj të cilët gjithashtu rezultojnë të jenë jashtë vendit.
Veprat penale për të cilat ata akuzohen janë pastrim parash dhe për grup të strukturuar kriminal.
SPAK ende nuk ka bërë një njoftim zyrtar mbi operacionin.
