Shtyhet në Gjykatën e Posaçme procesi për liderin e opozitës, Sali Berisha, një seancë e cila duhet të mbahej për informacionin dymujor. Seanca e radhës u caktua në datën 19 korrik.
Avokati Genci Gjokutaj, në një deklaratë për gazetarët, u shpreh se për vënien në dispozicion të dokumenteve i është kërkuar pagesë.
“Duan ta mbajnë zgjatjen. Këto gjëra i Edi Rama dhe Maneku. Mund t’u drejtoheni atyre, nuk e di sa të gatshëm janë për t’u përgigjur. Shoh se arsyeja është thellësisht serioze.
Gjykatësja vendosi që aktet duhen marrë me pagesë. Ata nuk e kanë fare problem të bëjnë fotokopje dhe në fund zgjidhet problemi.
Është praktika e zotit Beqaj që i janë dhënë aktet edhe pa pagesë. Ne i kemi të nevojshme. Gjykata ka gabuar, bën atë që thotë SPAK”- tha Gjokutaj.
Sipas tij, çështja e pagesës për aktet është qesharake, pasi për këtë gjë vendoset në fund të procesit.
