Shkëndija e Tetovës ka zhgënjyer në ndeshjen e parë ndaj armenëve të Noah, të vlefshme për raundin e parë të Ligës së Konferencës.
Kuqezinjtë u mposhtën me shifrat 2-0, teksa të dy golat u shënuan në fragmentin e dytë të lojës.
Deri në minutën e 81-të, rezultati ishte i pandryshuar ndërkohë që në minutat 81 dhe 90, vendasit shënuan dy herë me Gregorion dhe Pablon.
Dueli i kthimit do të luhet pas një jave, teksa Shkëndijas do t’i duhet një sforco e madhe për të përmbysur shifrat.
Trumçi, Adili, Cake dhe Totri ishin katër lojtarët që në të kaluarën janë aktivizuar në Superiore, teksa tashmë luajnë titullarë te skuadra tetovare.
