Është ndarë nga jeta ditën e sotme gazetari i njohur shqiptar Aristir Lumnezi, i cili prej disa kohësh po luftonte me një sëmundje të rëndë.
Gazetari ka mbyllur sytë përgjithmonë në moshën 57-vjeçare, teksa lamtumira e fundit do t’i jepet ditën e enjte (11 Korrik), në orën 12:00. Trupi i pajetë i gazetarit Aristir Lumnezi do të prehet përgjithmonë në varrezat e Sharrës në Tiranë.
Ceremonia mortore do të zhvillohet në ambientet e Funeral Home Parajsa, në rrugën “Muhedin Llagani”. Ndërkohë, pritjet për ngushëllime do të zhvillohen po tek Funeral Home Parajsa në datat 12 dhe 13 korrik nga ora 10:00 deri në orën 13:00 dhe nga ora 17:00 deri në orën 20:00.
Gazetari Aristir Lumezi kishte një eksperiencë prej më shumë se dy dekada në media, kryesisht në atë të shkruar. Aktualisht ai mbante postin e kryeredaktorit të gazetës “Panorama”.
