Një incident i rëndë në punë është regjistruar mesditn e sotme në lagjen nr. 1 të Pogradecit, ku një i ri ka mbaetur i plagosur teksa po punonte për rikonstruksionin e një banese.
I plagosur ka mbetur shtetasi A. Xh., 27 vjeç, teksa është dërguar me urgjencë në spital për të marrë ndihmë mjekësore dhe mësohet se aktualisht ndodhet në reanimacion.
Sip shihet edhe në fotot e mëposhtme, burime bëjnë me dije se të riut i është shembur një pjesë muri dhe ballkoni e një banese, duke i rënë mbi trup.
Grupi hetimor ndodhet në vendin e ngjarjes dhe po punon për të sqaruar rrethanat e rastit.
