Kreu i Forumit Rinor të Partisë Demokratike, Besart Xhaferri shprehet se përgjimet e kanë dëshmuar se Ilir Beqaj, që sot është në qeli për abuzim me fondet e SASPAC, kur ishte drejtues i PS në Shkodër ishte nën urdhrat e grupeve kriminale që operojnë në atë qytet, të cilat vendosnin për punësimet, tenderat dhe madje dhe se kush do ti shkonte në takim Beqajt.
Xhaferri deklaron se ky kriminalizim i skajshëm i politikës ka vetëm një emër dhe ai quhet Edi Rama.
Ai shprehet më tej se Rama erdhi në pushtet i mbështetur nga krimi, mban pushtetin falë krimit dhe fundin e tij politik do ta ketë po nga krimi.
Reagimi i plotë:
Përgjimet e fundit dëshmojnë se si Ilir Beqaj që sot është në qeli për abuzim me fondet e SASPAC kur ishte drejtues i PS në Shkodër ishte nën urdhrat e grupeve kriminale që operojnë në atë qytet, të cilat vendosnin për punësimet, tenderat dhe madje dhe se kush do ti shkonte në takim Beqajt.
E njëjta skemë ishte në Durrës, ku Dako doli në përgjime në kuadër të dosjes 339, apo në Dibër ku u konsumua masakra elektorale e Dosjes 184.
Në 14 Maj 2024 e pamë më zë dhe figurë si nga Shkodra në Fier, pjesëtarë të grupeve kriminale merrnin përdore përfaqësuesit e PS për t’i futur në qendrat e votimit.
Ky kriminalizim i skajshëm i politikës ka vetëm një emër: ai quhet Edi Rama, njeriu që erdhi në pushtet i mbështetur nga krimi, mban pushtetin falë krimit dhe fundin e tij politik do ta ketë po nga krimi.
Në 11 Korrik ne do të jemi në shesh kundër kriminalizimit të politikës, që bëri politikanët në vend që të ishin shërbëtorë të qytetarëve, u kthyen në vasalë të krimit të organizuar.
