Partizani, edhe pse ka arritur të gjenerojë të ardhura nga shitjet dhe Europa, nuk ka arritur të ketë një stadium për sfida ndërkombëtare.
Ky fakt e bën t’i “falet” Federatës, që nga ana e saj nuk di të menaxhojë “Air Albania”-n, fusha e të cilit është degraduar falë koncerteve muzikore të zhvilluara aty së fundmi.
Fakti që Partizani do të luajë në Elbasan kundër Marsaslok ka ngjallur reagime të shumta të tifozëve në rrjetet sociale, që me të drejtë ankohen që do të duhet të udhëtojnë jashtë kryeqytetit për të ndjekur ndeshjen.
Temperaturat e larta dhe ora e vonë pritet të ndikojnë direkt në numrin e ulët të tifozëve në atë ndeshje.
Mbështetësit e Partizanit nuk i kanë kursyer kritikat dhe ironitë në postimin e fundit në “Facebook” teksa klubi i kuq ka nxjerrë në shitje biletat për sfidën e turit të parë kualifikues të Ligës së Konferencës kundër Marsaxlokk.
