Mbi 20 persona janë paraqitur këtë të diel në spitalin e Bulqizës për të marrë ndihmë mjekësore, pasi kanë patur simptoma helmimi.
Burime për mediat bëjnë me dije se personat e dyshuar të helmuar nuk kanë qenë të gjithë të një lagjeje apo fshati, por të shpërndarë në Bashkinë e Bulqizës. Dyshohet se ata mund të jeni helmuar nga uji i pijshëm.
Policia raporton se është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.
Në përfundim të hetimeve, autoritetet njoftojnë se do të ketë dhe informacion më të detajuar.
