Emiljano Mihana do të jetë pjesë e skuadrës së parë të Tiranës.
Sulmuesi 16-vjeçar u afrua sezonin e shkuar në akademinë bardheblu, duke u kthyer në një nga lojtarët më të spikatur.
Pas vetëm 1 sezoni me të rinjtë e Akademisë Tirana, Mihana arrin të bindë dhe tashmë do të provojë veten me ekipin e parë.
Postimi i plotë:
Klubi i Futbollit Tirana njofton se talenti Emiljano Mihana i cili vjen nga radhët e Akademisë së Futbollit Tirana, është përzgjedhur nga stafi teknik për të qenë në skuadrën e parë!
Klubi i uron Mihanës suksese dhe sa më shumë paraqitje dinjitoze me fanellën bardh’ e blu!
