Një ngjarje e rëndë është regjistruar mbrëmjen e sotme në Fier.
23-vjeçari i identifikuar si Xhimi Bakaj mbeti i vrarë pas 3 goditjeve me thikë që mori pas një sherri për motive xhelozie.
Sipas burimeve mediatike, dyshohet se shtetasi Xhuliano Miho ka goditur për vdekje një 23-vjeçar, bashkëjetuesin e ish-gruas së tij.
Autori dhe viktima, fillimisht kanë debatuar më njëri-tjetrin, duke u konfrontuar më pas edhe fizikisht, duke bërë që 39-vjeçari ta godasë me thikë. Policia njofton se i riu si pasojë e plagëve të marra ka ndërruar jetë në spital, ndërsa autori është vënë në pranga.
Dyshohet se shkak për vrasjen e të riut sipas burimeve policore është bere divorci mes autorit dhe bashkëshortes më të cilën ka dy fëmijë. Kjo e fundit kishte disa muaj qe ishte larguar nga banesa dhe bashkëjetonte me 23-vjecarin. Autori (Xhuliano Miho) e ka takuar në rrugë viktimën (Xhimi Bakaj) dhe pas një debati të fortë ai e ka qëlluar tre herë me thikë.
- Pamje nga vendi i ngjarjes
- Njoftimi i policisë:
“Rreth orës 21:00, në rrugën “Ramiz Aranitasi”, shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital.
Shërbimet e Policisë kanë kapur dhe shoqëruar në Polici shtetasin Xh. M., dhe po kryhen veprimet e mëtejshme procedurale.
Grupi hetimor po punon për sqarimin e rrethanave dhe dokumentimin ligjor të rastit”, njofton policia.
