Në videon e mëposhtme është momenti kur efektivët e Komisariatit Nr. 3 në Tiranë arrestojnë Islam Sefën, i cili ishte i shpallur në kërkim nga drejtësia.
Islam Sefa është kapur në një lokal mesditën e djeshme rreth 100 metra larg SPAK-ut, në një lokal përballë Prokurorisë së Posaçme, teksa është konstatuar nga agjentët e BKH-së.
Ismail Sefa është i dyshuar si pjesë e trafikut të drogës Shqipëri – Gjermani në 9 episode. Po ashtu, ai ka një dënim prej 9 vitesh dhe 9 muajsh burg në Itali, pasi bashkë me të vëllain Bujar Sefa trafikonin në zonën e Venecias kokainë nga Holanda dhe kanabis nga Shqipëria.
Bujar Sefa mori një dënim nga Gjykata e Posaçme me 10 vite burg pak ditë më parë për kultivimin e kanabisit në zonën e Krujës.
