Sot po mbahet mbledhja e radhës e Komisionit Hetimor për Shëndetësinë ku kanë vijuar edhe dëshmitë e dhëna.
Kanë qenë disa auditues të tjerë të KLSH-së të cilët kanë dëshmuar përpara Komisionit Hetimor. Njëkohësisht ka patur edhe një debat mes një prej auditueseve të KLSH me nënkryetarin e Komisionit, Plarent Ndreca i cili kërkon të indimidojnë dhe të mbulojë korrupsionin me koncensionet në Shëndetësi të Vilma Nushit.
Socialisti Plarent Ndreca ka patur një replikë lidhur me përfundimin e auditimit, sipas tij, pa u rishikuar kontrata koncesionare.
Vlen të theksojmë që në momentin kur deputetja e PS, Edona Bilali do i bënte një pyetje dëshmitares, ndër të tjera tha që “nuk jemi këtu për të mbrojtur interesin publik”.
Kujtojmë që dy ditë më parë kreu i PD-së Sali Berisha denoncon se “në Komisionin Hetimor kanë dalë fakte tronditëse për kontratën e Vilma Nushit, bashkëshortes së kushëririt të Edi Ramës”.
Berisha ka publikuar shifrat dhe vjedhjet me kontratë të kryera nga Vilma Nushi e cila është paguar në 2 vjet e 9 muaj, për 475 mijë analiza të cilat nuk janë bërë kurrë.
Pjesë nga debat:
Ndreca: Kontrata ka fuqinë e ligjit, kështu që kjo tregon përse është paguar… Është konsideruar nga ju si dëm ekonomik rastet e paguara për shërbimet e pakryera? Likuidimi është bërë për një shërbim të pabërë, ligji për kontabilitetin e ka këtë.
Ndreca: Sa kontrata koncesionare keni audituar?
Audituesja: Nuk kam hetuar kontratën, por buxhetin.
Vokshi: Ajo sheh vetëm nëse është kryer analiza… po të jep përgjigje shumë korrekte
Ndreca: Si keni dalë në përfundimin që kontrata duhet rishikuar?
Audituesja: Nuk kam dalë në përfundime. Kontrata është dokument autorizues për të kaluar në veprim, ndërsa dokumenti financiar është justifikues, pra janë faturat.
Ndreca: Kontrata nuk është e mjaftueshme për ju për të detyruar institucionin për të bërë pagesat?
Likuidimi është bërë në bazë të kontratës por nuk mund të bësh shpenzime për një shërbim të pakryer
Vokshi-Ndrecës: Të mbrosh të pambrojtshmen (Vilma Nushin), vetëm ju mund ta bëni.
Ndreca: Thatë se është paguar TVSH, nuk duhet të ishte paguar.
