Prokuroria e Kukësit ka kërkuar pezullimin nga detyra të një punonjësi të policisë për veprën penale “Shpërdorim detyre”.
Ky punonjës policie me iniciale K.K, me detyrë trup shërbimi trafiku urban dhe interurban në DVP Kukës, favorizonte persona që njihte me qëllim që të mos gjobiten apo të kalojnë pa u kontrolluar nga policia.
Lidhur me këtë kërkesë të Prokurorisë, Gjykata vendosi pezullimin nga detyra të K.K., ndërkohë që vijojnë hetimet për persona të tjerë të përfshirë.
Kjo masë ndaj këtij punonjës policie u kërkua nga Prokuroria e Kukësi, pas një bashkëpunim me Agjencinë e Mbikqyrjes Policore dhe nga vëzhgimet ambientale dhe inerceptimet telefonike, pas të cilave u krijua dyshimi i arsyeshëm që K.K. shfrytëzonte detyrën e tij për të favorizuar persona të tjerë.
“Në kuadër të hetimeve lidhur me procedimin penal nr.78 të vitit 2024 në bashkëpunim me Agjencinë e Mnikëqyrjes Policore (AMP) nga vëzhgimet ambientale dhe inerceptimet telefonike krijohet dyshimi i arsyseshëm që punonjësi i policisë K. K. duke shfrytëzuar dhe përfituar nga pozicioni i tij me detyrë trup shërbimi trafiku urban dhe Interurban, DVP –Kukës, favorizonte persona që njeh me qëllim që të mos gjobiten apo të kalojnë pa u kontrolluar nga policia.’, thuhet në njoftimin e Prokurorisë së Përgjithshme.
