Automjeti i një efektivi policie të forcave “Shqiponja” është përfshirë nga flakët paraditen e kësaj të hëne në qytetin e Lezhës.
Ngjarja ka ndodhur rreth orës 10:30 minuta, teksa makina e efektivit ndodhej e parkuar në lagjen “Besëlidhja” pranë një blloku pallatesh pak metra larg komisariatit të policisë.
Burime bëjnë me dije se paraprakisht dyshohet për një zjarrvënie të qëllimshme. Mësohet se disa banorë pallati kanë deklaruar se kanë parë disa persona pranë makinës dhe pak minuta me vonë makina ka shpërthyer në flakë.
Policia po heton për zbardhjen e plotë të rrethanave të aksidentit.
