Që prej orës 21:00, në “Signal Iduna Park”, të Dortmund, Gjermania po përballet me Danimarkën, në sfidën e vlefshme për fazën e 1/16-ve, të Euro 2024.
Sfida në një moment u ndërpre në minutën e 38′-të ku shkak u bënë kushtet e rënduara atmosferike, teksa një shi i rrëmbyer filloi në Dortmund.
Për fat kushtet atmosferike u përmirësuan dhe pas 23 minutash u vendos për të rivazhduar sfidën aty ku u ndërpre, duke lumturuar tifozët e pranishëm në “Signal Iduna Park”.
Ndërkohë pjesa e parë u mbyll pa gola edhe pse rastet nga të dyja skuadrat nuk munguan.
Danezët i shkuan fare pranë golit në minutën e 45-të. Kundërsulm vrastar, por Neuer i mohoi golin sulmuesit Hojlund, vendimtare ndërhyrja e gardianit gjerman.
Ndërkohë më herët gjatë pjesës së parë VAR i anuloi golin gjermanëve. Shloterbek zhllokon shifrat në minutën e 4-t , por pas rishikimit në VAR goli anulohet për faull.
