Policia e Shkodrës në vijim të operacionin antikanabis të koduar “Territor i pastër” ka asgjësuar mbi 6 mijë bimë dhe fidanë kanabis sativa, në tre vende të ndryshme.
Më konkretisht, autoritetet policore raportojnë se kanë asgjesuar në fshatin Iballë të Fushë Arrëzit 4520 bimë narkotike kanabis. Për këtë rast, kanë referuar materialet në Prokurori, ku nisi procedimi në gjendje të lirë për veprën penale “Shpërdorimi i detyrës”, për shtetasit: A. Z., kryetari i njësisë administrative Iballë, I. B., specialisti i pyjeve dhe D. P., kryetari i fshatit Iballë.
Ndërkohë, në fshatin Mëlgushë të Vaut të Dejës, në tokën e shtetases V. L., raportohet se janë gjetur 280 bimë narkotike kanabis. Për këtë rast, janë referuar materialet në Prokurori, ku nisi procedimi në gjendje të lirë për veprën penale “Kultivimi i bimëve narkotike”, për shtetasit: V. L., 47 vjeçe dhe J. M., 32 vjeç.
Gjithashtu në njësin administrative Pult, në fshatin Pog janë gjetur 1232 fidanë kanabisi.
Policia bën me dije se vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të bimëve narkotike.
