Partia Demokratike ka mbledhur këtë të premte Këshillin Kombëtar, ku në fokus të diskutimit janë vijimi i aksionit opozitar, zgjedhjet parlamentare pas një viti dhe protesta kombëtare e thirrur më 11 Korrik.
Ndërkohë, është zbardhur edhe fjalimi i Sekretarit të Përgjithshëm të PD-së, Flamur Noka, në mbledhjen me dyer të mbyllura, i cili u ka dhënë porosi anëtarëve të Këshillit që të takohen edhe me kryetarët e degëve që janë mashtruar nga Basha, siç i konsideroi ai.
Gjitashtu, Noka ka kërkuar angazhim maksimal, me qëllim që protesta e 11 korrikut të jetë madhështore, duke iu kërkuar që të zhvillohen takime me demokratë dhe jo demokratë që janë kundër qeverisë.
Flamur Noka: Kryetari i Partisë përshkroi arritjet e PD-se ne këtë periudhë. Pika e pare e diskutimeve është bashkimi. Drejtuesit e PD-se, Kryesisë, Këshillit Kombëtar, kryetaret e degëve te kontaktojnë me çdo demokrat për ta integruar ne strukture. Ne duhet te jemi te hapur dhe te shtrijmë dorën e bashkimit për demokratet si edhe jo demokratë , por qe jane kundër Qeverise. Takoni veçanërisht drejtuesit e degëve qe janë mashtruar nga pengu (Basha). Protesta e 11 korrikut duhet te jete madhështore sepse jemi e vetmja parti ne Europë ku lideri yne është i burgosur politik pa prove, fakte dhe akuze. Një regjim autokratik qe te asgjësojë opozitën ose burgos liderin ose te nxjerre jashtë ligjit ate. Regjimi ka zgjedhur te burgos liderin tone. Degët e PD-se kane grupet e punëve. Te gjithe ne terren. Ne fleteplasoje do te jene te gjitha pikat perse i ftojme qytetaret ne proteste. Do te realizohet dhe spoti i cili do te shperndahet masivisht. Sensibilizimi eshte shume i rendesishem Kryetaret e degeve, anetaret e KK qe jane pjese e grupeve te punes te jene ne cdo rruge, takime me qytetare per t’i ftuar ata ne proteste. Ashtu sikundër vepruam ne protestën e 20 shkurtit.
