Kreu i Urdhrit të Mjekut Veterinar, Ervin Resuli ka denoncuar ditën e sotme kontrabandën e lopëve me brucelozë nga Greqia në Korçë, për të cilën sipas tij janë të përfshirë dhe zyrtarë të lartë të Ministrisë së Bujqësisë.
Në një postim në rrjetet sociale, Resuli ka publikuar artikullin e mediave greke, e cila raporton se në shtetin fqinj janë arrestuar 33 persona që kontrabandonin kafshë me brucelozë për në Shqipëri, veterinerë të cilët falsifikonin certifikatat e therjes së kafshëve.
Sipas Resulit, skandali i Onkologjikut është lule para këtij krimi me pasoja të rënda për shëndetin e njerëzve, pasi bruceloza e lopëve, infekton njeriun dhe i shkakton pasoja të pakthyeshme, një ndër të cilat është sterilizimi i plotë riprodhues.
Ervin Resuli shkruan se kjo vrasje me paramendim shkon deri aty sa nivelet e larta drejtuese po përpiqen ta mbulojnë një skandal që po “sterilizon ” shqiptarët duke i kontaminuar me brucelozë. Sipas tij, vetëm ndërhyrja e SPAK mund ta zgjidhë çështjen, pasi përfshirja është në kupolë dhe përpjekjet për ta fshehur ngjarjen janë dyfish vrasje.
Ai shtron një sërë pyetjesh për autoritetet, ku pyet nëse a është i përfshirë zv.ministri i Bujqësisë në këtë skandal dhe pse po hesht prej më shumë se një muaji Ministria e Bujqësisë.
Reagimi i plotë:
Onkologjiku,Onkologjiku por kontrabanda e Lopëve me Brucelozë në Korçë po bën kërdinë.
Onkologjiku është lule para kontrabandës së lopëve me brucelozë në Korçë, ku janë përfshirë zyrtarë të lartë të Ministrisë së Bujqësisë. Vrasja me paramendim shkon deri aty sa përpjekjet ne nivele te larta drejtuese përpiqen ta mbulojnë një skandal që po “sterilizon ” shqiptarët duke i kontaminuar me brucelozë. Kjo e fundit është një çështje që vetëm ndërhyrja e SPAK mund të zgjidhë, pasi përfshirja është në kupolë dhe përpjekjet për ta fshehur ngjarjen janë dyfish vrasje.
Artikulli më poshtë është i përditshmes greke “Protothema”, e cila shkruan se jan arrestuar 33 persona që kontrabandojnë kafshë me brucelozë për në Shqipëri, veterinerë të cilët falsifikojnë certifikatat e therjes se kafsheve …
1-Çfarë po bëjnë autoritetet shqiptare?
2- Eshte i perfshir Zv.Ministri per sigurin ushqimore dhe Veterinarine ?
2 – Pse Ministria e Bujqësisë dhe Zhvillimit Rural po hesht për këtë rast kur Zv.Ministri pergjegjes ka djeni qe nje muaje e gjysem perpara ?
3 – Kush është i përfshirë në këtë aferë kaq të rrezikshme që ka bllokuar strukturat reaguese në Ministrinë e Bujqësisë të mos veprojnë për një skandal kaq të madh dhe të rrezikshëm për jetën e shqiptarëve?
4 – Pse mbahet i fshehur ky rast për më shumë se një muaj nga autoritetet përgjegjëse dhe Ministria e Bujqësisë?
5-A ka dikush ne axhenden e tije nje “lufte biologjike ” per te sterilizuar shqiptaret dhe shpopulluar kete vend ?
