Kryefjalë e seancës së sotme të Kuvendit ishte skandali te ‘Onkologjiku’ dhe për këtë opoazita fajëson qeverinë me kryeministrin Edi Rama.
Deputeti Flamur Noka ka bërë thirrje për protesta për të rrëzuar qeverinë përballë këtyre skandaleve.
“E gjitha ka një burim propagandën, burimi i së keqes edhe tek onkologjiku edhe në çdo sistem tjetër, bëhet me regji që nesër Rama t’u thotë shqiptareve të lodhur e sfilitur me shëndetësinë falas ja fajtorët nuk jemi ne, janë mjekët, ata e hakan kumbulla pas shpine kryeministrit. E gjitha kjo ka një qëllim, të spostohet vëmendja nga batërdia e qeverisë, ka mjekë që e ndyjnë bluzën e bardhë dhe e shkelin Betimin e Hipokratit, spitalet në Shqipëri janë në ditën më të zezë, të vetmit që janë brenda karakatinave janë stafi shëndetësor, në çdo spital ka problematika të rënduara në aspektin e imazherisë” tha Noka.
Noka ka kërkuar që të mos ngrihet histeri ndaj mjekëve, pasi edhe ditën e djeshme, tek Onkologjiku puna ka vijuar normalisht dhe pacientët kanë marrë shërbime edhe pse situata ishte e rëndë. Ai tha se kushdo që bën pis bluzat e bardha duhet të përballet me drejtësinë.
“Më të mirët në vjedhje dhe keni edhe goxha përvojë, keni shkuar deri te vjedhja 100 përqind. Edhe ajo që ndodhi tek onkologjiku nu ishte spontane apo rastësi. Kështu funksiononi ju. Është e bnatyrdshme revolta dhe neveria që kanë shkaktuar në publik episodet e Onkologjikut. Unë kam punuar vetë aje, ndjej dhimbje e keqardhje, por kush ndot bluzën e bardhë duhet të përballet me drejtësinë. Duhet të bëjmë një analizë, edhe dje kur tek Onkologjiku kishte rënë bomba qytetarëve u është shërbyer, qindra pacientë janë vizituar. Mjekët më të keqpaguarit e Europës punojnë me përkushtim. Këtë nuk duhet ta harrojmë. Edhe dje tek Onkologjiku përkushtimi i mjekëve ka qenë. Të jemi kujdesshëm të mos ngremë histeri kolektive kundër mjekëve”, tha Noka.
- “Skema” si vepronin mjekët në Spitalin e Onkologjikut në QSUT
Një hetim i bërë nga Prokuroria e Tiranës zbuloi skemën ku përfshihen mjekë të shërbimit onkologjik dhe stafi i këtij shërbimi të cilët transferonin pacientë nga shërbimi onkologjik drejt klinikave private.
Madje edhe e vetmja aparaturë ajo e kobaltit e cila shërben për radioterapitë për pacientët me tumore mbahej e prishur me qëllim në mënyrë që ky shërbim të mos merrej këtu por në klinika private.
Madje klinika private “Megis”, e mjekut Edmond Gashi që shërbente në Onkologjik është pezulluar deri në një moment të dytë. Sipas informacioneve, ishte një familjar i një prokurori i cili ka denoncuar dhe ka nisur ky hetim.
Telefonat e mjekëve dhe kordinatorëve të këtij shërbimi janë mbajtur në vëzhgim për një kohë të gjatë nga ku kanë rezultuar biseda dhe pazare të mirëfillta si në shitjen e medikamenteve citostiatike të cilat janë të kushtueshme deri dhe për tarifat që merreshin për ndërhyrje kirurgjikale të cilat varionin nga 4 deri 5 mijë euro.
Këto pazare bëheshin duke llogaritur dhe destinacione të pushimeve luksoze, bazuar në bisedat e tyre me mesazhe.
Lexo edhe:
Mjekët abuzues të Onkologjikut “shëtitje” në Gjykatë: Jemi të lumtur me prokurorin
