Dhjetra qytetarë janë grumbulluar pasditen e kësaj të mërkure tek “Rruga e Kavajës” para godinës së Ministrisë së Shëndetësisë për të protestuar pas skandalit tek spitali i Onkologjikut, ku mjekët kishin krijuar një skemë abuzive të transfermit të pacientëve me kancer drejt klinikave private.
Portesta po mbahet nën moton “Viktima e radhës mund të jesh ti!”, teksa kërkojnl nga autoritetet dhe Qeveria reagim edhe për gjednje në përgjithësi të shëndetësisë, teksa pa ardhur në pushtet u premtua shëndetësi falas, ndërsa sot mungojnë edhe medikamentet kryesore në shtet.
“Ç’u bë me Betimin e Hipokratit” apo “Mondo shtrëngoje fort sapunin” ishin disa prej pankartave që mbanin protestuesit në duar. Gjithashtu, mbanin në duar edhe shiringa bosh, teksa bënë thirrje edhe që hetimet për këtë rast të thellohen më tej.
Skandali tek Onkologjiku u denoncua edhe nga Kontrolli i Lartë i Shtetit, por Ministria e Shëndetësisë reagoi vetëm pas urdhër-arresteve të lëshuara nga Prokuroria e Tiranës.
Nga hetimi i kryer nga Prokuroria, ka rezultuar se pacientëve të diagnostikuar me tumor nuk u jepej trajtimi i duhur mjekësor dhe më pas drejtoheshin në klinika private. Po ashtu, janë konstatuar raste të blerjes së ilaçeve me vlera të konsiderueshme për kimioterapi, nga farmaci të cilat këto medikamente i tregtonin pa pullën fiskale dhe me kod të prishur, duke krijuar dyshimin në lidhje me autenticitetin e këtyre barnave.
