Ka plasur debati në komisionin Hetimor për “TIMS” ku shkak është bërë mungesa e drejtueses së SHISH-it, Vlora Hyseni.
Deputeti Nasip Naço, i kërkoi Salianjit që të jetë më i kujdesshëm me akuzat ndaj drejtueses së SHISH-it pasi ajo mungon në këtë komision për shkak se ndodhet në një aktivitet në Beograd dhe nuk mund të dëshmojë. Pjesë nga debati:
Naço: Kjo është për lavdinë tuaj personale
Salianji: E pranoni që jeni kapur.
Naço: Për pjesën e drejtueses së SHISH, që qenkeni i zoti ne te Siguria nuk e morëm dot, ajo ka ardhur edhe kur anëtarët e opozitës nuk ishin. Vini bilbilosni sot… Si mund të thoni ka ikur në Beograd, si mund ta përdorësh. Kur të bëni akuza e të thoni të pavërteta të jeni më i rezervuar për pozicionin e saj të punën. Pastaj sa i zoti jeni do ta shohim kur të jetë ajo këtu se çfarë pyetjesh do t’i bëni.
Salianji: Të gjithë ju e keni drejtorin e departamentit më të rëndësishëm. Keni një drejtor me masë arresti e nuk e shkarkoni dot. Nuk keni guximin të kërkoni pse nuk përjashtohet nga policia.
