Një 34-vjeçar është arrestuar nga efektivët e policisë, pasi dyshohet se është autori i djegies së 2 automjeteve më 6 mars të këtij viti.
Sipas informacioneve, në pranga ka rënë shtetasi me iniciale I.B., banues në Cërrik.
Ky shtetas është një personazh i njohur për policinë e shtetit pasi më herët ai ka kryer dënimin për akuzën e ‘tentativës për vrasje’.
“Ndalohet 34-vjeçari që dyshohet se dogji me lëndë djegëse, 2 automjete, për motive të dobëta, më datë 06.03.2024.
34-vjeçari, i dënuar më parë për tentativë për vrasje. Komisariati i Policisë Cërrik, në zbatim të masave të përcaktuara në planin operacional “Sundimi i ligjit”, për kapjen e shtetasve në kërkim, bazuar në inteligjencën informative, ndaloi shtetasin në kërkim I. B., 34 vjeç, banues në Cërrik.
Nga veprimet hetimore dyshohet se 34-vjeçari, më datë 06.03.2024, gjatë natës, në lagjen nr. 1, për motive të dobëta, ka djegur me lëndë djegëse, 2 automjete të parkuara, në pronësi të shtetasve A. B. dhe J. B.“, njofton policia.
Materialet i kaluan Prokurorisë, për veprime të mëtejshme.
