Ish-drejtori i Kadastrës, Artan Lame ka lënë pas më shumë se 2 orësh ambientet e Prokurorisë së Posaçme (SPAK).
Pasi daljes nga SPAK, Lame nuk preferoi të prononcohet për mediat, ku tha shkurt se “u pyeta si person në dijeni për një çështje të Kadastrës”. Lame hyri në ambientet e SPAK në orën 15:00 dhe ka dalë pas orës 17:00.
Burime bëjnë me dije se Artan Lame është thirrur në SPAK mbi një dosje tqë po hetohet nga Prokuroria e Posaçme sa i takon legalizimeve në këmbim të votës për zgjedhjet lokale të vitit 2019,.
Për këtë çështje kanë rënë në pranga më 26 prill 2024, zyrtari i Kadastrës, Dritan Stoka dhe kryeplaku i Saukut në Tiranë, Agim Osmani. Të dy, gjatë kohës që Kadastra drejtohej nga Lame, kundrejt përfitimeve të paligjshme, kanë kërkuar votën për PS në këmbim të lejeve të legalizimit për ndërtimet informale të votuesve në zonën e Saukut, Tiranë.
Artan Lame e ka drejtuar Kadastrën nga viti 2019 deri më 9 mars 2023, kur dha dorëheqjen.
