Do të jepet sot dënimi nga Apeli i GJKKO-së për ish-kryebashkaikun e Kukësit, Safet Gjici, i cili do ta presë vendimin në një spital privat në kryeqytet, pasi prej 2 muajsh i shtruar në spital, për shkak të disa problemeve shëndetësore.
Organi i akuzës kërkon dënimin 4 vite e 6 muaj burg, për veprën penale të korrupsionit dhe shpërdorimit të detyrës.
Ndërkohë për Alma Kaçin, SPAK kërkon dënimin me 1 vit e 5 muaj burg. Të dy përfitojnë uljen e 1/3 së dënimit për shkak të gjykimit të shkurtuar. Prokurori nuk ishte dakord me ndryshimin e akuzës dhe uljen e dënimit që u bë nga Gjykata e shkallës së parë.
Avokati i Safet Gjicit kërkoi pafajësi kërkesa për të cilat Apeli i Posaçëm do të japë vendim këtë të hënë në orën 14:00. Në seancën e pak ditëve më parë, Kaçi nuk mori pjesë në seancë si dhe nuk u përfaqësua nga avokat, teksa togat e zeza i caktuan mbrojtës kryesisht Arben Pecin i cili kërkoi pafajësi.
Gjykata e Shkallës së Parë e ka dënuar ish-kryebashkiakun Gjici me 3 vite burg vetëm për shpërdorim detyre me gjykim të shkurtuar.
Alma Kaçi u dënua me 1 vit e 6 muaj burg që u reduktua nga gjykimi i shkurtuar me 1 vit burg për prostitucion.
