Një zjarr ka përfshirë kurorën e gjelbër ne fshatin Mashkullorë të Bashkisë Gjirokastër, në një zonë të pabanuar.
Terreni i përfshirë nga flakët është kryesisht malor, çka e bën të vështirë ndërhyrjen e ekipeve të zjarrfikësve, veçanërisht në përdorimin e automjeteve.
Zjarri ka përfshirë një sipërfaqe të konsiderueshme kullotash dhe shkurresh, ndërsa flakët ndodhen larg zonave të banuara.
Në operacion për shuarjen e zjarrit janë angazhuar 20 forca vullnetare, 6 punonjës mbështetës të PMNZSH, 11 zjarrfikës të PMNZSH.
Ekipet zjarrfikëse dhe ato vullnetare po mundohen të venë nën kontroll flakët me mjete rrethanore dhe pompa uji shpine, çka e bën më të vështirë situatën.
