Një i ri është gjetur pa shenja jete mëmngjesin e sotëm në rezervuarin e fshatit Kagjinas të Koolonjës. Mësohet se viktima është 33-vjeçari Emiljano Bahollari nga fshati Borovë.
Burime pranë Policisë bëjnë me dije se dyshohet se ai është futur në rezervuar ku ka humbur jetën. Mësohet se i riu ka vuajtur nga problemet me shëndetin mendor dhe ishte larguar nga banesa e tij, mbrëmjen e djeshme.
Nuk dihet nëse 33-vjeçari ka dashur të vetëmbytet apo është futur në rezervuar për t’u larë dhe ka pësuar infarkt.
Pritet të kryhet autopsia për të zbuluar shkaqet e vdekjes. Grupi hetimor po punon për sqarimin e rrethanave të ngjarjes.
