Është momenti i Shqipërisë! Kombëtarja shqiptare zbret sonte në mbrëmje në “Signal Iduna Park” për të sfiduar Italinë kampione në fuqi të Europës, në ndeshjen e parë të grupit B të Euro 2024-ës, në prezencën e mbi 40 mijë zemrave kuqezi, e milionave të tjera që do të brohorasin nga larg për luftëtarët e Kombit.
Trajneri Sylvinho ndan mendjen për formacionin, duke zgjedhur Strakoshën nga minuta e parë dhe Ajetin që fiton balotazhin me Ismajlin në mbrojtje, në krah të Gjimshitit, teksa sulmi udhëhiqet nga Armando Broja.
Sa i përket Italisë, tekniku Luciano Spalletti ka vendosur t’i rreshtojë të tijët me formulën 4-2-3-1, ku në portë është vendosur Donnarumma. Në krahët e mbrojtjes janë Dimarco e Di Lorenzo, me qendrën që mbulohet nga Calafiori e Bastoni.
Më të tërhequr janë Barella e Jorginho, ndërsa Chiesa, Pellegrini e Frattesi vendosen pas “bomberit” Scamaça.
FORMACIONET ZYRTARE:
Sfida është shumë e rëndësishme për të dy skuadrat pasi nga një anë është një skuadër që kërkon të shkojë deri në fund turneut.
Ndërsa nga ana tjetër është entuziazmi kuqezi i mbështetur nga një dallgë e madhe tifozësh që ka pushtuar Dortmundin në ditën e sotme duke krijuar një atmosferë mbresëlënëse.
