Presidenti i Republikës Bajram Begaj është nisur këtë të shtunë në Zvicër për të marrë pjesë në Samitin e nivelit të lartë të Paqes për Ukrainën. Lajmi është konfirmuar nga zyra e shtypit e Presidencës.
Samiti do të zhvillohet më 15-16 qershor 2024 në Bürgenstock, pranë qytetit të Lucernës.
Ai do të bazohet në diskutimet, veçanërisht mbi formulën e paqes në Ukrainë, propozimet e tjera të paqes bazuar në Kartën e OKB-së dhe parimet kryesore të së drejtës ndërkombëtare.
Kreu i Shtetit Bajram Begaj do të jetë në këtë samit krahas personaliteteve më të larta të botës.
