Gjermania fitoi 5-1 përballë Skocisë në takimin e parë të këtij Europiani, të zhvilluar në stadiumin “Allianz Arena” të Mynihut.
“Pancerat” e mbyllën pjesën e parë në avantazh të trefishtë, me golat e dy talenteve Florian Wirtz dhe Jamal Musiala, dhe një penallti të kthyer në gol nga Kai Havertz.
Plani i Julian Nagelsmann funksionoi që në fillim, edhe pse minutat e para të sfidës që çeli siparin e Euro2024 u karakterizuan nga nervozizmi në të dy kampet.
Në pjesën e dytë, Fullkrug, i ardhur nga stoli, shënoi edhe golin e katërt, ndërsa Skocia shënoi golin e nderit falë autogolit të Rudiger.
GJERMANI-SKOCI- GOLAT E NDESHJES
Në minutat shtesë, Emre Can vulosi rezultatin e ndeshjes me golin e pestë.
Gjermania e nis me këmbën e mbarë aventurën e shtëpisë dhe me tri pikë kryeson Grupin A, duke pritur nesër në orën 15:00 ndeshjen mes Hungarisë dhe Zvicrës, rivalët e këtij grupi.
