Portugezi Ruben Saraiven, i dyshuar për vrasjen e biznesmenit Ardjan Nikulaj, është paraqitur në Gjykatën e Lezhës, ndërsa ka kërkuar ndryshimin e masës së sigurisë.
Avokati i tij, Kujtim Cakrani, tha pas përfundimit të seancës se nuk ka asnjë provë ndërsa prokuroria ka kërkuar sende personale nga Maroku, por i kane kërkuar prokurorisë të zgjerojë hetimin referuar edhe operacionit Metamorfoza kanë dalë të tjera fakte në të cilat prokuroria duhet te hetoje pasi portugezi Ruben Saraiva është i pafajshëm në këtë çështje.
28-vjeçari portugez u ekstradua në Shqipëri me 31 dhjetor të 2023 dhe akuzohet për veprat penale “Vrasja për gjakmarrje” dhe “Prodhimi dhe mbajtja pa leje e armëve, armëve shpërthyese dhe municionit”.
Për këtë vrasje në Angli janë arrestuar dhe ndodhen në proces ekstradimi edhe pjesa tjetër e grupit, një shqiptarë dhe katër anglez, që vëzhgonte viktimën dhe ia kalonte informacionet vrasësit Ruben Ribeiro Saraiva.
- Vrasja e Ardjan Nikulajt
Ardian Nikulaj u vra më 19 prill brenda lokalit të tij në Shëngjin. Porositës dhe organizator është Edmond Haxhia i cili ka rënë në pranga, së bashku me tre britanikë Thomas Mithan, Steve Hunt dhe Harriet Bridgeman. Të katër këta janë prangosur, pasi autoritetet britanike kanë pranuar si të ligjshme kërkesën e bërë nga Policia e Shtetit. Për këtë ngjarje mbetet në kërkim Harry Simpson, i akuzuar gjithashtu si bashkëpunëtor.
